Björn Þorláksson blaðamaður stendur í þeim stórræðum að gefa út spillingarsögu Íslands hver ber titilinn Besti vinur aðal. Í bókinni er að sögn rakin saga spillingar og frændhygli undanfarinna áratuga á Íslandi.
Björn mætti í Bítið á Bylgjunni til að segja frá efni bókar sinnar. Fram kom í máli hans að væri fjallað um skipun Svanhildar Hólm sem sendiherra í Washington. Svo sem kunnugt er var það Bjarni Benediktsson, þáverandi utanríkisráðherra, sem ákvað að Svanhildur, fyrrverandi aðstoðarmaður hans, væri best til þess fallin að gæta hagsmuna Íslendinga í höfuðborg Bandaríkjanna ásamt eiginmanni sínum, þeim umdeilda Loga Bergmann Eiðssyni. Um þetta hefur verið fjallað ítarlega í fjölmiðlum.
Svo var að skilja á Birni sem það hefði nokkuð tekið á hann að fjalla um mál Svanhildar sem væri vinkona hans. Nú er það spurning hvort vinskapurinn haldist áfram eftir bókarskrifin. Þess er að vænta að Björn eigi litlum vinsældum að fagna á meðal þeirra sem um er fjallað í ritinu sem fæst í helstu bókaverslunum …