- Auglýsing -
Maður gekk inn í kennslustofu Háskóla Íslands í dag og fróaði sér fyrir framan nemendur. Lögreglan handtók manninn skömmu síðar.
Fyrr í dag handtók lögreglan karlmann í húsnæði Háskóla Íslands eftir að hann fróaði sér fyrir framan nemendur í einni kennslustofunni.
Þessu er sagt frá á vef Vísis. Þar er rætt við Ómar Atla Sigurðsson, nemanda við skólann, sem var í kennslustofunni þegar atvikið átti sér stað ásamt fleirum. „Hann lokar harkalega á eftir sér, gyrðir niður um sig og byrjar að rúnka sér,“ er haft eftir Ómari.
Hann segir frá því að maðurinn hafi komið inn í kennslustofuna um 20 mínútum áður en tíminn hófst.
Annar samnemandi Ómars kom síðar inn stofuna og hringdi í lögregluna er fram kemur í frétt Vísis. Þá mun kennslustundinni hafa verið aflýst.