- Auglýsing -
Í gær tók Halla Bergþóra Björnsdóttir, lögreglustjórinn á höfuðborgarsvæðinu, í þriðja sinn við viðurkenningu Jafnvægisvogarinnar á viðurkenningarathöfn verkefnisins.
Jafnvægisvogin er hreyfiaflsverkefni Félags kvenna í atvinnulífinu (FKA), í samstarfi við hagaðila, að því er kemur fram í tilkynningu lögreglunnar á höfuðborgarsvæðinu á Facebook. Viðurkenningarnar eru veittar til þeirra fyrirtækja og stofnana sem náð hafa markmiðmiðum um sem jafnast hlutfall kynja í efsta lagi stjórnunar en í framkvæmdastjórn embættisins eru kynjahlutföllin jöfn.
Þetta árið hlutu níutíu og þrjú fyrirtæki, fimmtán sveitarfélög og tuttugu og tveir opinberir aðilar viðurkenningu. „Lögreglan á höfuðborgarsvæðinu er stolt af því að tilheyra þeim hópi,“ segir í tilkynningunni og einnig: „Við tökum heilshugar undir einkunnarorð ráðstefnunnar – Jafnrétti er ákvörðun!“