Ríkisstjórnin er fallin – Þingrof og kosið í lok nóvember

Bjarni Benediktsson boðaði til blaðamannafundar nú áðan með afar skömmum fyrirvara. Flestum varð strax ljóst að nú yrði tilkynnt um að ríkisstjṕrn Sjálfstæðisflokksins, VG og Framsóknar sé sprungin – og sú er raunin.

Ágreiningur um aðgerðir í útlendingamálum og orkumálum hafa sett strik í reikninginn hjá nýfallinni ríkisstjórn; stórt strik.

Bjarni sagði á fundinum að ekki væru líkur á því að flokkarnir í stjórninni undanfarin sjö ár myndu ná saman og því ákveðið að slíta stjórnarsamstarfinu.

Bjarni mun því leggja fyrir forseta Íslands tillögu um þingrof og alþingiskosningar í nóvember. Hef­ur Bjarni þegar haft sam­band við Höllu Tóm­as­dótt­ur for­seta Íslands; mun fara á henn­ar fund á morg­un, mánu­dag.