- Auglýsing -
Haraldur Reynisson tónlistarmaður, sem þekktastur var undir listamannsnafni hans Halli Reynis, er látinn. Hann var 52 ára að aldri.
Haraldur hefur undanfarin ár starfað sem tónlistarkennari í Ölduselsskóla í Reykjavík. Í tilkynningu skólans, sem send var til foreldra, kemur fram að andlát Haraldar hafa borið að með skjótum hætti.
Haraldur tróð oftast upp sem trúbador, en hann gaf út fyrstu plötu sína árið 1993. Alls urðu plötur hans níu, auk þess sem hann átti lög á plötum annarra listamanna. Hann tók tvisvar þátt í undankeppni Eurovision, árin 2011 og 2014.
Mannlíf vottar fjölskyldu og vinum Haraldar samúð.