Breskur áhrifavaldur féll til bana þegar hann reyndi að ganga á burðarvirki hæstu brúar Spánar án öryggisbúnaðar.
Lewis Stevenson, 26, er sagður hafa verið varaður af fjölskyldu sinni við að klifra upp 192 metra háu Castilla La Mancha-brúnna í Talavera de la Reina á Spáni en að hann hafi tekið áskoruninni óháð því. Hann reyndi að taka ljósmynd fyrir samfélagsmiðla sína en hrapaði til dauða síðastliðinn sunnudag.
Instagram-síða hans er full af ljósmyndum þar sem hann stillir sér upp ofan á háum byggingum og risastórum mannvirkjum um allan heim, þar á meðal í New York borg, en hinn ungi maðurinn er sagður hafa „gert það sem hann gerði sér til ánægju“.
En fjölskylda Lewis er nú algjörlega miður sín. Kærasta hans, Savannah Parker fór á samfélagsmiðla til að lýsa sorg sinni yfir harmleiknum og lýsti dauða maka hennar sem „martröð“. Afi Lewis, Clifford Stevenson, 70, sagði: „Við reyndum öll að tala hann af þessu. Við vorum alltaf að reyna að tala hann frá því að gera hlutina en svona var hann bara. Hann elskaði að gera þetta, fór alltaf út trúandi því að hann yrði í lagi. Hann gerði það sem hann gerði sér til ánægju. Hann fékk enga peninga fyrir það, hann var ævintýramaður.“
Lewis safnaði sér fylgjendum á samfélagsmiðlum með ógnvekjandi glæfrabrögðum sínum. Margir lýstu sorg sinni yfir andláti hans. Einn skrifaði á Instagram: „Að þekkja þig hefur verið ein mestu forréttindi lífs míns. Og að missa þig er mesta sorg lífs míns. Engin orðafjöldi á heimskulegri Instagram-færslu mun aldrei lýsa því hversu mikið ég sakna þín. Þú munt alltaf vera hugrakkasta, umhyggjusamasta og fyndnasta manneskja sem ég hef kynnst. Ég er stoltur af hverri byggingu, hverju þaki, hverri stundu okkar saman. Besti vinur minn, bróðir minn. Hvíldu í friði, við munum hittumst aftur einn daginn.“
Annar ofurhugi birti ljósmynd af Lewis sitjandi á skýjakljúfi í New York og skrifaði: „Undanfarin sjö ár kynntir þú fyrir mér nýjan skilning á frelsi, sem breytti sýn minni á lífið gríðarlega og gaf mér leiðsögn um mína eigin skapandi vinnu, alltaf að hvetja mig og veita mér innblástur í gegnum þína eigin skapandi samkvæmni. Ég er ævinlega þakklátur fyrir tækifærin sem þú gafst mér og fólkið sem þú kynntir fyrir mér.“
Lewis var skrifstofumaður frá Derby, þar sem kærasta hans, Parker, bjó en hún skrifaði á samfélagsmiðlum sínum: „Klukkan er 5 að morgni og ég hef hvorki borðað né sofið. Vill einhver segja mér að þetta sé martröð? Mér líður ofboðslega illa með að þú komir ekki aftur. Gerðu það, komdu aftur. Vinsamlegast svaraðu í símann.“
Að klifra mannvirki án beisla er áhættusamt æði, sem hefur náð vinsældum eftir vinsældir samfélagsmiðla. Lewis sýndi sumar „þaktoppanir (e. rooftopping)“ sínar sem hann framkvæmdi um allan heim á Instagram-síðu sinni undir nafninu expedition, segir í Mail Online.
Svimandi myndir af Stevenson ofan á skýjakljúfi í New York og hvíla á málmbjálka með útsýni yfir Lundúnaborg voru meðal þeirra sem Stevenson birti. Aðrar myndir sýndu ofurhugann hangandi neðan úr mannvirki í Króatíu og hótelþaki í Mexíkóborg.
En áhrifavaldurinn fannst látinn fyrir neðan brúna á Spáni á sunnudag. Það er óljóst hversu hátt Lewis komst upp í mannvirkið þegar hann missti jafnvægið, en toppurinn á brúnni eru um 192 metrar. Yfirvöld segjast halda áfram að rannsaka harmleikinn.