Átök sjálfstæðismanna í Suðvesturkjördæmi geta haft miklar afleiðingar. Jón Gunnarssson ætlar að verjast Þórdísi Kolbrúnu Reykfjörð Gylfadóttur varaformanni af hörku til að halda öðru sætinu. Hann hefur lengst af notið stuðnings Bjarna Benediktssonar formanns sem hefur gjarnan látið Jón tappa af erfiðum málum. En nú er öldin önnur.
Fullyrt er úr í myrkviðum flokksins að Bjarni hafi beinlínis hvatt Þórdísi Kolbrúnu til þess að færa sig úr Norðvesturkjördæmi þar sem hún var orðin landlaus til að taka slaginn í Kraganum um annað sætið. Það fylgir sögunni að baksamningur sé við Þórdísi um að Bjarni segi af sér formennsku eftir kosningar og láti henni eftir embættið.
Hugsanlega mun það ráða úrslitum og fella Jón að Bjarni fyrirskipar sínu fólk að styðja Þórdísi. Stuðningsmenn Jóns telja að fyrir liggi að Bjarni muni svíkja bandamann sinn og koma honum út í ystu myrkur í pólitík.
Úrslitin um helgina munu svara því hvað verður um Jón og hvort hann muni sætta sig við meint svik eða snúa sér að öðrum flokki. Dyr Miðflokksins standa honum opnar …