Lögfræðingur KSÍ, Haukur Hinriksson staðfestir þetta við 433.is. Segir hann að við starfslok Viðars hjá CSKA 1948 Sofia hafi verið samið um ákveðnar skyldur hans gagnvart búlgarska liðinu. Þegar Viðar ekki staðið við þær skyldur, fór liðið með málið til FIFA. Nú hefur FIFA sem sagt dæmt í málinu og er tímabundið keppnisbann í öllum opinberum leikjum niðurstaðan, þar til hann hefur gert upp sínar skuldbindingar gagnvart búlgarska liðinu en bannið getur að hámarki staðið í sex mánuði.
Í samtali við 433.is segist Viðar hafa borgað hluta af þeirri fjárhæð sem hann skuldi vegna samningsbrotsins og að máli hafi komið honum á óvart því hann hafi haldið að ekki ætti að klára að gera það upp á þessu ári. Viðar hefur þó möguleika á að aflétta banninum undir eins með því að greiða restina af upphæðinni sem FIFA hefur úrskurðað að CSKA 1948 Sofia eigi rétt á frá honum. Tekið er fram hjá í frétt 433.is að málið tengist KA ekki á neinn hátt.
Ef Viðar borgar hins vegar ekki upphæðina á næstu sex mánuðum getur FIFA dæmt hann aftur í bann en ekki er víst að það verði gert.
Viðar Örn (34) hefur átt afar farsælan feril sem knattspyrnumaður en hann hefur leikið 34 A-landsleiki fyrir Ísland og leikið erlendis við góðan orðstír. Samningur Viðars við KA rennur út eftir tímabilið.