Hildur Björnsdóttir, oddviti borgarstjórnarflokks sjálfstæðismanna í Reykjavík, heldur áfram að grafa sér holu í „snagamálinu“ svokallaða en oddvitinn hélt því ranglega fram fyrir nokkrum dögum að borgin hafi eytt 12 milljónum króna í að kaupa fatasnaga fyrir einn skóla í borginni. Rétt tala reyndist vera 1,7 milljónir og í heildina 3 milljónir með uppsetningu. Snagarnir voru 678 talsins og kostaði hver snagi því 2500 krónur en slíkt getur ekki í neinum skilningi talist bruðl eða sóun.
Hildur gefst þó ekki upp og heldur því fram í Morgunblaðinu aðsendri grein í gær að borgin hafi eytt 12 milljónum í „fatahengi“ en nefnir ekki umfang verksins en inn í því eru skóhillur og bekkir fyrir tugi, ef ekki hundruði barna, og aðrar nauðsynlegar framkvæmdir. Málið er orðið hið vandræðalegasta fyrir Hildi sem hefur ekki átt sjö daganna sæla innan flokksins. Eins og skáldið sagði „Þegar þú ert komin ofan í holu hættu þá að moka“ …