Nautahakk mögulegur sökudólgur í Mánagarði

Mögulegt er að E.coli sýkingin sem smitaði börn á leikskólanum Mánagarði hafi borist með nautahakki en málið er til skoðunar samkvæmt Guðrúnu Aspelund sóttvarnalæknir.

Í samtali við mbl.is segir Guðrún að algengt sé að þegar slík sýking kemur upp sé nautahakk sökudólgurinn en hakk var í boði á leikskólanum í seinustu viku. 18 börn eru þessa stundina undir eftirliti Landspítalans og liggja sjö börn inn á spítala og eru tvö alvarlega veik.

Líta málið alvarlegum augum

Samkvæmt sóttvarnalækni er sérstakt sóttvarnateymi að rannsaka smitin og hvernig þau bárust í börnin og fleiri sýni hafi verið tekin í gær og í dag. Viðtöl verða tekin við fjölskyldur barnanna til að fá betri mynd af matarsögu þeirra.

„Málið er litið mjög al­var­leg­um aug­um. Hug­ur okk­ar er fyrst og fremst hjá börn­um Mánag­arðs og for­eldr­um þeirra,“ seg­ir í yf­ir­lýs­ingu sem Soffía Emel­ía Braga­dótt­ir, leik­skóla­stjóri Mánag­arðs, sendi frá sér.

Skólinn muni gera sitt allra besta til að veita foreldrum upplýsingar um málið og vinna með rannsakendum.