Blaðamaðurinn geðþekki, Jakob Bjarnar Grétarsson, er í bobba eftir að hafa reynt að klína rasisma á Bjarna Benediktsson forsætisráðherra.
Jakob Bjarnar er þekktur fyrir smellur sínar og teygir sig gjarnan langt í fyrirsögnum. Hann túlkaði hlaðvarpsviðtal við formanninn með óskiljanlegum hætti og sló því upp að Bjarni hefði varað við blöndun menningarheima. Hann afsakaði sig með því að það hefði slegið saman í höfði hans. Jakob baðst í framhaldinu innilega afsökunar á axarskafti sínu og segir að sér sé síður en svo illa við Bjarna. Einhverjir telja að iðrun hans sé sviðsett.
Nú hefur Davíð Oddsson, ritstjóri Morgunblaðins, blandað sér í málið í leiðara í dag og hjólar í aumingja Jakob og veitir um leið Vísi leiðbeiningar um það hvernig fjölmiðlar eigi að vinna. Davíð segir að fjölmiðlar verði að vanda sig! Skrattinn kennir ömmu sinni.
Rasistamálið er líklega stærsta áfallið sem Jakob hefur orðið fyrir á ferli sínum.