Eins og alþjóð veit hefur Víðir Reynisson, sviðsstjóri Almannavarna, ákveðið að fara í framboð fyrir Samfylkinguna og leiðir hann flokkinn í Suðurkjördæmi í komandi alþingiskosningum. Fáir hafa staðið jafn mikið vörð um hagsmuni samfélagsins á Íslandi og erfitt er að finna einstakling dáðari af almenningi en Víði og styðja kannanir sem gerðar hafa verið við það.
Eðlilega hefur framboð Víðis skapað mikla gremju meðal hægri manna, þá sérstaklega öfgahægri, sem keppast nú við að níða Víði í skjóli nafnleyndar á internetinu og í fjölmiðlum. Nafnleysingjarnir halda því fram að Víðir beri ábyrgð á vanlíðan ungs fólks á Íslandi sem hægt sé að rekja til sóttvarnaaðgerða sem yfir 95% Íslendinga studdu. Vilji nafnleysingjarnir að tekið sé mark á þeim ættu þeir að þora koma fram undir nafni og gætu jafnvel merkt myndir sínar á samfélagsmiðlum með „Ég níði Víði“ …