Segir tvo ráðherra Sjálfstæðisflokksins hafa kostað ríkissjóð 40 milljarða

Þegar Útlendingastofnun opnaði fyrir straum flóttafólks frá Venesúela var Guðlaugur Þór Þórðarson utanríkisráðherra og Þórdís Kolbrún Reykfjörð Gylfadóttir dómsmálaráðherra. Ákvörðun stofnunarinnar um að veita öllum sem hingað komu fjögurra ára vernd og dvalarleyfa var tekin í samráði við ráðherra, sem féllust á þetta eitt Evrópuríkja eftir beiðni Trump-stjórnarinnar sem vildi grafa undan ríkisstjórn Nicolás Maduro og koma Juan Guaidó til valda. Þegar það tókst ekki breytti Útlendingastofnun afstöðu sinni nokkrum árum síðar og þótt kærunefnd útlendingamála hafi hafnað stefnubreytingunni fyrst þá féllst hún á hana að lokum.“

Segir Gunnar Smári að ráðherrarnir tveir hafi viljað „taka þátt í geopólitískum leikjum Trump stjórnarinnar“.

„Allt þetta mál, boð til allra í Venesúela um hæli á Íslandi einu Evrópulanda og svo afturköllun þessa boðs, uppihald fólks sem hingað kom en fékk svo ekki hæli, endursending fólksins til Venesúela og öll skriffinnskan í kringum þetta hefur kostað ríkissjóð meira 40 milljarða króna. Allt vegna þess að Guðlaugur Þór og Þórdís Kolbrún vildu taka þátt í geopólitiskum leikjum Trump stjórnarinnar.“

Að lokum segir Sósíalistaforinginn að kostnaður við „svona leiki“ haldi áfram og nefnir vopnakaup ríkisins sem dæmi.

„Og kostnaðurinn við svona leiki áfram. Nýlega undirritaði Bjarni Benediktsson varnarsamning við Úkraínu, sem ráðuneyti Þórdísar Kolbrúnar hafði undirbúið, um 25,5 milljarða króna vopnakaup og hernaðaraðstoð við Úkraínu. Þrátt fyrir að yfirgnæfandi meirihluti þjóðarinnar sé á móti slíkum vopnakaupum.

Þegar kemur að því að ráðherrar Sjálfstæðisflokksins vilja gera sig breiða fyrir herrum sínum í Washington er endalaust til af peningum, ykkar peningum. Almenningi á Íslandi er hins vegar sagt að bíða eftir réttlætinu.“