Jón Magnússon, fyrrverandi þingmaður og lögmaður, hafnar í því í nýrri færslu á bloggi sínu að hann sé kynþáttahatari en lögmaðurinn Sveinn Andri Sveinsson ásakaði hann um slíkt þegar tilkynnt var að Jón yrði á lista Sjálfstæðisflokksins í komandi þingkosningum.
„Margir hafa reynt það að þegar á það skortir að fólk geti fært rök fyrir máli sínu, þá grípur það til þeirra varna að hengja merkimiða á andmælendur sína. Fáir kunna þá list betur en stjörnulögmaðurinn Sveinn Andri Sveinson, sem hefur tapað fleiri málum fyrir rétti en flestir aðrir núlifandi lögmenn,“ skrifar Jón um málið.
„Í pistli sem hann skrifar, þá vandræðast hann með að mér skuli hafa verið boðið sæti á lista Sjálfsæðisflokksins í Reykjavík norður og hengir á mig miða rasisma,Íslamsandúðar og transfóbíu.“
Hefðu betur hlustað á Jón
Jón segir að ef hlustað hefði verið á hann væru ekki til meint vandamál til staðar varðandi hælisleitendur á Íslandi.
„Ég kippi mér ekki upp við svona bull og merkimiða enda mátt þola þá á annan áratug. Staðreyndin er hinsvegar sú að hefði verið tekið á hælisleitendamálum eins og ég hef lagt til m.a. með tillögu á Landsfundi 2015,þá væru engin vandamál hvað það varðar og útgjöld ríkisins í þann málaflokk væru nú um 50 milljörðum lægri á ári.“
Þá segir Jón að hann sé transfóbískur en hann sé hins vegar á sömu skoðun á J.K. Rowling, höfundur Harry Potter, en hún hefur stundum verið kölluð óopinber leiðtogi fólks sem er á móti trans fólki.
„Svo því sé síðan bætt við sömu skoðun á lögunum um kynrænt sjálfræði og breska ríkisstjórnin, sem hafnaði að staðfesta slíka bullöggjöf frá skoska þinginu.
Þannig fellur allt um sjálft sig í málflutningi Sveins Andra og það ekki í fyrsta skipti,“ skrifar Jón að lokum.