Gunnar Lárus Hjálmarsson eða Dr. Gunni eins og hann er oftast kallaður, segir engan hafa beðið hann að taka sæti á lista stjórnmálaflokks fyrir komandi kosningar.
Dr. Gunni spaugar í nýrri Facebook-færslu um leið og hann auglýsir útgáfutónleika hljómsveitarinnar Dr. Gunni sem fara fram í Iðnó á morgun. Gerir hann létt grín að „frægum í framboði“ sem er óvenju mikið fyrir þessar kosningar að því er mörgum finnst. Hér má lesa hina spaugilegu færslu:
„Allir sótraftar upp á dekk! Útgáfutónleikarnir eru í Iðnó annað kvöld og tilvalið að tryggja sér miða í dag. Þráðbein lína í miðasöluna í fyrsta kommenti. Annars hefur enginn komið að máli við mig varðandi framboð, sem hryggir mig. Ekki það ég myndi nenna að standa í þeim endalausa húsfélagsfundi, en easy money er vissulega easy money.“