- Auglýsing -
Mikið fjör var á pizzastaðnum Blackbox í Mosfellsbæ síðastliðið föstudagskvöld. Tilefnið var mikið þar sem ný pizza var kynnt á matseðli, uppáhaldspizza rapparans Flóna.
„Við spilum mikið íslenskt hipphopp á staðnum og Flóni er fastagestur hjá okkur,“ segir Jón Gunnar Geirdal einn eigenda staðarins. „Pizzan fékk nafnið O.M.G., sem lýsir henni vel.“
Á pítsunni er meðal annars að finna ostablöndu og Óðals Búra, Sriracha, chorizo, rauðlauk, döðlur, sveppi, piparost og hvítlauk.
„Pizzan rann ljúft ofan í gestina okkar á föstudag,“ segir Jón Gunnar, en hún fór formlega á matseðilinn á laugardag.
Ljósmyndarinn Mummi Lú fangaði stemninguna á föstudag, en Flóni heilsaði þar upp á gesti og sat fyrir á myndum og tók að sjálfsögðu nokkur lög.
