Lögreglan fékk í gærkvöldi tilkynningu um eld í bifhjóli á Vesturlandsvegi, hjólin er mikið skemmt.
Lögreglan fékk einnig fjölda tilkynninga um einstaklinga sem voru til vandræða vegna ölvunar. Um klukkan hálfsex í gær var óskað eftir aðstoð hennar í Gistiskýlið vegna ölvaðs manns sem lét ófriðlega. Stuttu síðar aðstoðaði lögreglan annan sem sofandai var á stigagangi húss í hverfi 105 til síns heima. Og sá þriðji var sofandi ölvunarsvefni á veitingastað í hverfi 103 um sjöleytið.
Rúmlega 17 í gær voru þrír einstaklngar handteknir grunaðir um nytjastuld á ökutæki og eignaspjöll. Þá er einn af hinum handteknu grunaður um akstur undir áhrifum fíkniefna.
Rétt fyrir miðnætti var tilkynnt um umferðaróhapp í hverfi 220 og laust eftir kl. 1 í nótt var tilkynnt um eld í íbúðarhúsnæði í hverfi 101, en enginn eldur reyndist í húsnæðinu.
Ofangreind mál eru aðeins hluti af þeim málum sem bárust inn á borð lögreglunnar seinni partinn í gær og í nótt.