Flestir virðast vera á einu máli um að það hafi verið gífurlega snjallt hjá Sósíalistaflokknum að fá séra Davíð Þór Jónsson sem oddvita í Suðvesturkjördæmi fyrir komandi Alþingiskosningar en presturinn hefur mikla reynslu að koma fram og lætur engan vaða yfir sig. Það sást í Silfrinu á RÚV á mánudaginn þegar hann tók Jens Garðar Helgason, frambjóðanda Sjálfstæðisflokksins, til bæna og flutti svo eina bestu einræðu sem heyrst hefur í mörg ár um stöðuna á lífskjörum almennings.
Eina sem virðist nú stoppa Sósíalistaflokkinn að komast inn á Alþingi er sú ákvörðun að tefla fram Gunnari Smára Egilssyni sem oddvita í Reykjavík en þrátt fyrir miklar vinsældir hans innan flokksins þá er hann litinn hornauga af mörgum mögulegum kjósendum. En ef Davíð heldur áfram á sömu braut getur verið að hann framkvæmi kraftaverk og komi flokknum inn á þing og verði ekki lengur séra Davíð heldur dýrlingurinn Davíð …