Ryotaro Suzuki, sendiherra Japan á Íslandi, þarf að yfirgefa Ísland fljótlega en hann hefur verið skipaður sendiherra í öðru landi. Suzuki greinir frá þessu á Twitter.
„Ég hef verið skipaður sendiherra í Samóa, sem er þjóð í Suður-Kyrrahafi. Það þýðir að ég þarf að yfirgefa þetta fallega land fljótlega.
Takk fyrir alla þá hjálp og stuðning sem ég hef fengið hérlendis. Það hefur verið frábær upplifun að vera sendiherra á Íslandi. Samfélagið á Twitter hefur verið sérstaklega gott við mig. Nú flýg ég hinu megin á hnöttinn“ skrifaði sendiherra á Twitter.
Suzuki var skipaður sendiherra á Íslandi árið 2021 og hefur verið vinsæll á samfélagsmiðlum þar sem hann hefur verið duglegur að kynna sér íslenska siði og menningu og þá sérstaklega bókmenntir og kvikmyndir. Þykir hann hafa sýnt á sér hlið sem sendiherrar gera sjaldan, í að minnsta kosti ekki á Íslandi.