Ýmis áhugaverð ummæli voru látin falla í vikunni. Þetta eru nokkur þeirra.
„Það sést á viðbúnaði við hingaðkomu þessa Pence að Bandaríkin eru í raun í stríði við heiminn. Við hefðum alveg getað sleppt því að flytja þetta stríð hingað á hjara veraldar.“
-Gunnar Smári Egilsson, athafnamaður og sósíalistaforingi.
„Ég get bara sagt ykkur það strax að þetta er sturlun.“
-Unnar Þór Sæmundsson um störf sín sem gjaldkeri Pírata, en hann sagði starfi sínu lausu í vikunni.
„Ef ég ætti að ráðleggja Katrínu þá væri það að fara á betterbundobook.com, og hafa þær jafnvel nokkrar bara í bókahillunni.“
-Þórhildur Sunna Ævarsdóttir, þingmaður Pírata, leggur til að forsætisráðherra, Katrín Jakobsdóttir, hafi bók um samkynhneigða kanínu sýnilega þegar hún tekur á móti varaforseta Bandaríkjanna, Mike Pence, en eins og kunnugt er hefur varaforsetinn unnið leynt og ljóst gegn réttindabaráttu hinsegin fólks vestra.
„Sérstakur eftirlætisstjórnmálaskýrandi minn, Styrmir Gunnarsson, sagði í sjónvarpinu í dag eitthvað á þá leið að hann hefði alltaf talið erlenda hersetu hér óæskilega. Það var þó skoðun sem hann stillti sig mjög um veifa hérna áður fyrr.“
-Stefán Pálsson sagnfræðingur.
„Þótt vissulega sé meiningin á bak við þetta átak mjög fallegt þá er aðferðin kolröng. Það þarf að efla geðheilbrigðismál og hjálpa ungu fólki að orða tilfinningar sínar og skammast sín ekki fyrir að líða einhvern veginn ekki „rétt“.“
-María Lilja Þrastardóttir fjölmiðlakona um átakið Á allra vörum.
„Meðal alþingismanna er mjög hæfileikaríkt fólk og flinkt en í hjörðum eins og stjórnmálaflokkarnir eru í dag hafa hæfileikar þess sjaldnast áhrif vegna þess að þar ræður samnefnari þess sem smæst er í mannssálinni. Sá samnefnari á erfitt með að þola aðrar skoðanir en eigin og alls ekki þeirra sem hafa eitthvað skynsamlegt til málanna að leggja.“
-Kári Stefánsson, forstjóri Íslenskrar erfðagreiningar, segir í Fréttablaðinu hjarðhegðun þingmanna stundum ganga í berhögg við stefnu flokkanna.
„Það reyndist vera alrangt að dýrafita væri skaðleg og áhrifaþáttur um hjartamein. Hefur borgarstjórnarmeirihlutinn í Reykjavík ekki frétt af þessu?“
-Hannes Hólmsteinn Gissurarson, prófessor í stjórnmálafræði við Háskóla Íslands, blandar sér í umræðuna um grænkeravæðingu skólamatar.
„Þetta ætti ekki að snúast um kjöt vs. grænmeti. Þetta ætti að snúast um að börnin fái betra að borða heldur en næringarsnauða ruslið sem Skólamatur eiturbrasar daglega.“
-Ómar R. Valdimarsson lögfræðingur.
„Svikarar! Þetta eru landráð!“
-Mótmælandi hrópar af þingpöllum Alþingis eftir að Þriðji orkupakkinn var samþykktur.