Þórður Snær sagði konur vera lævísar og undirförular tíkur: „Nota kyn­líf til að stjórna körl­um“

„Kon­ur eru flug­klár­ar, miklu klár­ari en ein­feldn­ing­arn­ir við sem get­um mest átt þrjú áhuga­mál, þær taka eft­ir öllu og kryfja það. En þær eru líka lævís­ar, mis­kunn­ar­laus­ar, und­ir­förl­ar tík­ur sem svíf­ast einskis til að ná því fram sem þær vilja og helst með því að láta sjálf­ar sig líta út sem fórn­ar­lömb at­b­urðarás­ar­inn­ar á meðan,“ skrifaði Þórður Snær.

Honum var greinilega brugðið eftir að skrif hans undir merki Þýska stálsins voru dregin fram og varði sig með því að skrifin væru sett fram í hálfkæringi af sér sem ungum manni.

Stefán dró fram annað dæmi um skrif Þórðar þar sem hann segir konur nota kynlíf til að stjórna körlum.

„ …. meiri­hluti kven­kyns viður­kenn­ir ekki að þær séu jafn graðar og við og nota kyn­líf til að stjórna körl­um. Límið sem held­ur heim­in­um sam­an er unaðsveit­ing­in og aðal hjálp­armeðal henn­ar er klámið,“ skrifaði Þórður á síðuna

Stefán spurði Þórð þá út í skrif hans um Rannveigu Rist, forstjóra Alcan, sem voru undir sama dulnefni. Þar var Rannveig Rist sögð „„daðra við að vera þroska­hefta“.

Rannveig kærði skrif Þýska stálsins til siðanefndar Blaðmannafélags Íslans og taldi Þórð vera að baki skrifunum. Siðanefndin vísaði málinu frá. Vefmiðillinn Vísir spurði Þórð Snæ út í aðild hans að þessum skrifum á þeim tíma. Þórður þrætti fyrir skrifin í nóvember árið 2007 og taldi ein­kenni­legt að hon­um væru eignuð hin um­deildu skrif um Rann­veigu Rist“. Nú viðurkennir hann að hafa logið til um sakleysi sitt.

Þórður Snær viðurkennir nú að vera að baki hulduskrifunum og að hann beri ábyrgð á þeim. Hann ver sig þó með því að hafa skrifað þau í hálf­kær­ingi og í ákveðinni menn­ingu og segir að marg­ir menn hafi lagt texta til bloggsíðunn­ar.

Viðtalið við Þórð Snæ má sjá í heild sinni í spil­ar­an­um hér að neðan: