Fimmtudaginn 28. nóvember 2024 kl. 20:30 mun sönghópurinn Jólabjöllurnar stíga á svið í Sykursal Grósku og færa gestum ógleymanlega tónlistarveislu, samkvæmt fréttatilkynningu frá hópnum.
Ljósmynd: Aðsend
Jólabjöllurnar hafa glatt landsmenn síðastliðin 12 ár. Þær hafa dundað sér við að taka uppáhalds jólalög landsmanna og leika sér að því að snúa út úr þeim, en dæmi um slíkt er til dæmis lagið Hátíðarsköp sem Íslendingar þekkja betur sem Hátíðarskap. Þær eru þekktar fyrir líflega textagerð og hressa sviðsframkomu. Á tónleikunum munu þær flytja kunn jólalög með nýjum og glettnum textum, í útsetningum þeirra sjálfra. Samkvæmt fréttatilkynningunni er markmiðið að eiga góða kvöldstund saman og fara hlæjandi inn í aðventuna.
Ásamt Jólabjöllunum verður skemmtikrafturinn Andri Ívars með stutt uppistand og aldrei að vita nema hann grípi í gítarinn með stelpunum.
Hægt er að næla sér í miða á tix.is