Egill Helgason á það til að vera hnyttinn í Facebook-færslum sínum en í þeirri nýjustu grínast hann með nafn á ímyndaðri hjálpartækjabúð Garðheima.
Fjölmiðlamaðurinn góðkunni Egill Helgason skrifaði í morgun spaugilega Facebook-færslu þar sem hann talaði um verslun Garðheima sem stendur við Reykjanesbrautina. Á móti henni á brautinni stendur kynlífstækjabúðin Blush og fór því Egill að velta fyrir sér ýmsu. Hér má sjá færsluna:
„Stórglæsileg verslun Garðheima stendur við Reykjanesbrautina. Hinum megin brautarinnar er verslunin Blush í veglegu húsnæði, mér skilst að þar séu seld „hjálpartæki ástarinnar“. En ef Garðheimar myndu söðla um og ákveða að fara í samkeppni við Blush, hvað myndi búðin þá heita? Þarf ekki að skrifa svarið.“
Athugasemdum við færsluna flæða inn en þar keppast menn við að koma með hugmyndir að nafni, sem ætti þó að blasa við. Hér eru dæmi um tillögur:
Arna nokkur skrifar: „Garðablushheimar“ á meðan Björn nokkur skrifar: „Svarid blasir við: Reið-heimar“.
Ásgerður stingur upp á nafninu Unaðsheimar en Kristín stingur upp á Torf og tæki hf. Hrafn nokkur skrifar: „Sáðu & Fáðu“ en Óskar Pétur stingur upp á nafninu Bush.
Svanur Már kemur með sína tillögu: „Flower Power“ á meðan Helga María stingur upp á Heimreið.
Það er hins vegar Óskar nokkur sem kemur með nafnið sem Egill var sjálfsagt að leitast eftir: „Graðheimar“.