Minnihluti Sjálfstæðisflokksins í Reykjavík undir stjórn Hildar Björnsdóttur er ekki talinn vera stjórntækur. Það ræðst fyrst og fremst af átökum innan hópsins og gjörólíkri afgreiðslu mála. Þess er skemmst að minnast að hópurinn þríklofnaði í einu máli.
Hörkudeilur hafa verið á milli oddvitans og annnara borgarfulltrúa. Hildur er sögð hafa haldið því fram að hún hafi undir höndum upptökur af samtölum við félaga sína sem gætu komið þeim illa ef þær birtust opinberlega. Innan hópins var rætt óformlega um að kæra mál Hildar til lögreglu en ekki reyndist vera einhugur um það mál fremur en önnur.
Nær útilokað er talið að Hildur verði áfram leiðtgi flokksins í næstu kosningum sem verða vorið 2026. Einhverjir vilja henda öllum borgarstjórnarflokknum út fyrir nýtt blóð og freista þess að ljúka eyðimerkurgöngu flokksins og innri vígaferlum.
Einhverjir staldra við nafn Guðlaugs Þórs Þórðarsonar umhverfisráðherra sem arftaka en aðrir vilja kynslóðaskipti og nefna Áslaugu Örnu Sigurbjörnsdóttur ráðherra vísinda. Það hefur þó ekki gefist Sjálfstæðisfloknum vel að spila út ráðherrum í borginni. Nærtækt er að minnast þess þegar þungavigtarmaðurinn Björn Bjarnason var sóttur í landsmálin til að bjarga málum en mistókst hrapallega …