Ingvi fann veski á Hótel Loftleiðum sem þýskur læknir átti en DV greindi frá málinu.
Það er ótrúlegt hvað finnst stundum við framkvæmdir og það átti heldur betur við árið 1996 þegar Ingvi Ragnarsson var setja upp eldrvarnahurðir á Hótel Loftleiðum. Í fölsku lofti sem tekið var niður fannst mikið og þykkt veski en þegar Ingvi skoðaði innihaldið var greinilegt að um gamalt veski var að ræða. Kom í ljós að eigandi þess var þýskur læknir sem hafði komið til landsins árið 1971 en samkvæmt lækninum hafði veskinu verið stolið. Ingvi sagði þó DV að hann hafi fundið peninga í veskinu.
Ræddu ekki um fundarlaun
„Ég hafði strax samband við þýska sendiráðið og eftir númerinu á vegabréfinu var hægt að finna lækninn í Þýskalandi. Hann reyndist búa i Rínardalnum og vinna í Köln,“ sagði Ingvi Ragnarsson við DV.
Ingvi hringi í lækninn og ræddu þeir saman um heimsókn hans til Íslands. „Þjóðverjinn varð eiginlega meira en hissa þegar ég lét hann vita að veskið væri komið í leitirnar. Hann sagðist muna eftir þessum atburði eins og hann hefði gerst í gær. Læknirinn var þrítugur þegar hann var hér en er nú 51 árs. Ég sendi honum veskið í hraðpósti og hann tók niður heimilisfang mitt og síma. Fundarlaun ræddum við ekkert um en ég heyrði á honum að við værum eiginlega orðnir bestu vinir og ég á því von á að heyra frá honum aftur,“ segir Ingvi.