Halla Hrund Logadóttir byrjar árið vel en í gær keypti hún áratuga gamalt glæsilegt hitarúllusett og er ekkert lítið sátt við útkomuna.
Halla Hrund Logadóttir kom eins og stormsveipur inn í forsetakosningarnar í fyrra en hún vakti gríðarlega athygli fyrir skarpskyggni, þokka og almenn vingjarnlegheit. Ekki tókst henni þó að komast á Bessastaði en flaug inn á þing fyrir Framsóknarflokkinn í nýliðnum Alþingiskosningum.
Í morgun birti Halla Hrund skemmtilega Facebook-færslu þar sem hún segir frá óvenjulegum kaupum en í gær fann hún General Electric hitarúllusett sem framleitt var fyrir mörgum áratugum síðan. Og hún prófaði rúllusettið strax í gærkvöldi og er ekki ósátt með niðurstöðuna. Hér má lesa færslu hennar og sjá afraksturinn:
„Ég heimsótti hina frábæru Bókabúð Gulla á Sólheimum í gær. Hún er engri lík. Þar rakst ég á þetta forláta hitarúllusett frá General Electric – sennilega framleitt á árunum 1960-1970. Prófaði það í gærkvöldi og hér má sjá afraksturinn. Ég segi bara; Dyson hvað!? Þess má geta að sparnaður við val á þessari rúmlega 50 ára græju umfram Dysoninn var jú umtalsverður… Þetta ár fer vel af stað!“
Ljósmyndir: Facebook