Það eru sennilega til margar betri hugmyndir en að reyna klifra yfir grindverk Hvíta Hússins en það er nákvæmlega það sem svartklæddur maður gerði á mánudaginn.
Maðurinn hætti við tilraun sína þegar leyniþjónusta Bandaríkjanna mætti á svæðið og var maðurinn handtekinn fyrir tilraunina. Vitni segja að harkalega hafi verið tekið á manninum og leyniþjónustan hafi brugðist hratt við. Fjölmiðlar vestanhafs segja að maðurinn sé haldinn ótilgreindum geðsjúkdómi en búist er við að hann verði ákærður fyrir athæfið.
Samkvæmt sömu fjölmiðlum hefur öryggisgæsla við Hvíta húsið verið hert til muna síðan Trump tók við embætti en stutt er síðan skotið var á Trump þegar hann hélt ræðu fyrir stuðningsmenn sína og mátti litlu muna að hann léti lífið.
bro tried to climb the fence to get into the white house but was quickly surrounded by police 💀pic.twitter.com/MvWNUSlFGC
— FearBuck (@FearedBuck) February 4, 2025