Hallgrímur Helgason gagnrýnir bandaríska fjölmiðla sem lét Donald Trump komast létt frá blaðamannafundi hans og Benjamins Netanyahu í Hvíta húsinu í gær.
Donald Trump heldur áfram að sjokkera heiminn með aðgerðum sínum og orðum en í gær lýsti hann þeim draumi sínum að reka alla Gaza-búa af Gaza og búa þar til sumarleyfisparadís í eigu Bandaríkjanna. Mörgum fannst blaðamenn sleppa Trump fullvel frá fundinum sem og vinur hans, Netanyahu sem ber meginábyrgð á þjóðarmorðinu á Palestínumönnum.
Hallgrímur Helgason, rithöfundur og málari er einn af þeim sem finnst fjölmiðlar Vestanhafs linir við forsetann en hann skrifaði stutta en sterkorðaða Facebook-færslu í gær sem hljóðar eftirfarandi:
„Öll blaðamennska virðist dauð þarna vestra. Trump rausar og rausar um að Gaza svæðið sé stórhættulegt, fullt af dauða og djöfli, og djöfullinn sá situr bara við hlið hans, brosandi stoltur þjóðarmorðingi. Ekki hljómar þó ein spurning um ábyrgð fautans á dauða Gaza.“