- Auglýsing -
Björn Birgisson segir Björn Inga Hrafnsson ljúga upp á Kristrúnu Frostadóttur.
Samfélagsrýnirinn og fyrrum ritstjórinn frá Grindavík, Björn Birgisson sparar ekki stóru orðin í nýlegri Facebook-færslu en þar segir hann aðstoðarmann Sigmundar Davíðs Gunnlaugssonar, Björn Inga Hrafnsson, ljúga blákalt um afskipti Kristrúnar Frostadóttur í borgarpólitíkinni, með því að beygja Ingu Sæland til að neyta meirihlutasamstarfi með Sjálfstæðisflokknum í borginni.
Segir Björn Birgisson að allt sé gert „til að koma höggi á nýju ríkisstjórnina“ og að „rætnar lygar“ séu „ágætar til þess brúks“.
Hér má sjá færsluna í heild sinni:
„Lygar á lygar ofan.
**********
Björn Ingi Hrafnsson, aðstoðarmaður formanns Miðflokksins, segir að Inga Sæland hafi látið Kristrúnu Frostadóttur beygja sig þegar kom að málefnum borgarfulltrúa Flokks fólksins og hugsanlegum meirihluta til hægri.
Sama segja helstu talsmenn skrímsladeildar Moggans.
Þetta er ekkert annað en helber lygi.
Inga Sæland og bakland flokksins harðneitaði að koma Sjálfstæðisflokknum til valda í borginni og Kristrún Frostadóttir segist ekkert hafa skipt sér af þessu máli Flokks fólksins.
En það er allt gert til að koma höggi á nýju ríkisstjórnina.
Og rætnar lygar eru ágætar til þess brúks.
Mikil er skömm þessara manna.“