Tónlistarmaðurinn Auðunn Lútherson eða Auður eins og hann kallar sig stundum, gefur út glænýtt lag í tilefni Valentínusardagsins sem er í dag.
Auðunn býr nú og starfar í Los Angeles en þar hefur hann alls ekki setið auðum höndum heldur hefur hann verið að semja lög á fullu undanfarin ár. Texti nýja lagsins málar mynd af minningu um ástarsamband með vísunum í Dimmuborgir og íslenskan raunveruleika.
„Lagið fjallar um endurminningar og að reyna halda í fortíðina. Það er svo skrítið hvaða augnablik við varðveitum og vistum í langtímaminninu og hvernig tíminn og lífið hefur áhrif á þessar minningar,“ segir Auðunn.
Hér er brot úr textanum:
„Varðveiti næturnar sem ég fékk að kyssa á þér augnlokin,
bíllinn stopp og við horfum á himinninn.“
Hljóðfæraleikur, texti, upptökur og hljóðblöndum var í höndum Auðuns Lútherssonar og Gabríels Ólafssonar píanóleikara.
Auðunn hefur undanfarin tvo ár búið í Los Angeles og starfað þar sem tónlistarmaður og hljóðupptökustjóri. Þar hefur hann meðal annars verið hluti af beinu streymi Twitch stjörnunnar Kai Cenat og unnið tónlist fyrir listamenn á borð við Social House, Prince Ndour, Adelina, YSA og ChiChi.
Hér má hlusta á lagið Varðveiti næturnar:
Hér má svo sjá Auður syngja lagið:
View this post on Instagram