Athafnamaðurinn Hallgrímur Andri Ingvarsson og tannsmiðurinn Rannveig Hildur Guðmundsdóttir hafa ákveðið að selja stórglæsilegt hús sitt sem er að finna í Grafarholti.
Um er ræða hús á einstökum útsýnisstað fyrir neðan götu með inngang á efri hæð þar sem er bílskúr, eldhús og stofur með mikilli lofthæð ásamt baðherbergi. Stórir gluggar eru á aðalhæð til suðurs, vesturs og norðurs með stórkostlegu útsýni yfir höfuðborgina, Grafarvoginn, út á sundin að Snæfellsjökli, og Esjunni. Gott pláss er framan við hús og næg bílastæði, hellulögð stétt með snjóbræðslu í bílastæði og stétt að anddyri. Lóðin er glæsileg með stórum sólpöllum og skjólgirðingum umhverfis palla til suðurs, vesturs og norðurs með heitum og köldum potti, sánu og fallegri lýsingu við pall.
Parið vill fá 169.900.000 krónur fyrir húsið og verður það örugglega fljótt að seljast.
