Föstudagur 28. febrúar, 2025
4.8 C
Reykjavik

Morgunblaðið biðst afsökunar á umfjöllun sinni um byrlunarmálið

VefTv

- Auglýsing -

Hlaðvörp

- Auglýsing -

Undanfarnar vikur hefur Morgunblaðið með Stefán Einar Stefánsson í broddi fylkingar fjallað ítarlega um hið svokallaða „byrlunarmál“ Páls Steingrímssonar en hann hefur ýjað að því að starfsmenn RÚV og aðra fjölmiðlamenn hafi tekið þátt í byrlun á sér. Hefur hann sagt að fyrrverandi eiginkona sín hafi byrlað sér ólyfjan sem leiddi til þess að hann var nær dauða en lífi. Ekki fundust neinar vísbendingar um byrjun við blóðrannsóknir á Páli.

Fjallað hefur verið ítarlega um málið í Mannlífi, Vísi og Nútímanum á þeim árum sem liðið hafa síðan það kom fyrst upp og hefur lítið, ef eitthvað, nýtt komið fram í fréttum Morgunblaðsins.

Símadeilur

Eitt af lykilgögnum málsins að mati Páls og Morgunblaðsins er sú kenning að fyrrverandi eiginkona hans hafi stolið síma hans meðan hann lá meðvitundarlaus á sjúkrahúsi. Hún á að hafa skilið eftir eins síma með nánasta sama símanúmeri og Páll er með. Ýjað hefur verið að því að RÚV hafi viljandi keypt númer líkt númeri Páls á sama tíma og honum var byrlað til að hann yrði ekki var við að hann væri með rangan síma. Sú meinta byrlun á að hafa átt sér stað árið 2021.

Stefán Eiríksson, útvarpsstjóri RÚV, neitaði þessum ásökunum og hélt því fram að símanúmerið umrædda hafi verið eigu RÚV frá 2018 og því ekkert hæft í þessari kenningu sem Morgunblaðið setti fram. RÚV hefur nú sent frá sér reikning frá fjarskiptafyrirtækinu Sýn sem staðfestir að umrætt símanúmer hefur verið í eigu RÚV síðan 2018.

Morgunblaðið hefur í kjölfarið beðið lesendur sína afsökunar á umfjöllun sinni en sú afsökun birtist í blaðinu í dag.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -