- Auglýsing -
Mikil ringulreið skapaðist í verslunarmiðstöð í Sangertown í New York fylki í gær þegar gestir hennar urðu varir við byssuskot.
Birt hefur verið myndskeið úr öryggismyndavél sem er staðsett í hárgreiðslustofu í verslunarmiðstöðinni þar sem sést til fólks hlaupa í burtu til að forða sér frá byssumanninum. Í myndbandinu sést konan meðal annars öskra eftir dóttur sinni sem hafði komið með henni í verslunarmiðstöðina.
Samkvæmt upplýsingum frá lögreglunni í bænum var einn einstaklingur skotinn og heimildir fjölmiðla herma að árásarmaðurinn þekki þann sem hann skaut. Ekkert hefur verið gefið upp um líðan fórnarlambsins og er byssumaðurinn ennþá ófundinn.