Raunveruleikastjarnan Kourtney Kardashian er allt annað en sátt við samsæriskenningu sem er í dreifingu þessa daganna.
Hún snýst í stuttu máli um að sonur hennar, sem er 15 ára, eigi eins árs gamalt barn. Kourtney sendi frá sér yfirlýsingu á samfélagsmiðlum þar sem hún neitar fyrir þetta. Hún óskar sömuleiðis eftir því að fólki virði einkalíf sonarins, sem heitir Mason Disick, en hann heldur sig fjarri sviðsljósinu eins mikið og hann mögulega getur.
„Vinsamlegast hættið að dreifa lygum,“ skrifaði hún meðal annars.
Þá biður hún fólk á internetinu að hætta búa til myndbönd um öll hennar börn og minnir á að þau séu undir lögaldri. „Vinsamlegast hættið og látið þau í friði,“ segir í lokin í tilkynningu Kourtney.
Hún á fjögur börn, þrjú þeirra með Scott Disick og eitt með Travis Barker, trommara Blink 182 og núverandi eiginmanni hennar.
