„Ekki dettur mér það til hugar að fallegur og góður ásetningur liggi þar að baki en kann það þó að vera að ég hafi rangt fyrir mér.” Þetta skrifar Ásmundur Friðriksson, þingmaður Sjálfstæðisflokksins, í Facebook færslu um hælisleitandann sem brúsi með rafgeyma sýru fannst á.
Hann gefur sér að maðurinn hafi ætlað eitthvað illt og ekki sé hlustað á lögreglu. „Tökum tillit til þess sem lögreglan segir og tökum mark á viðvörunum þeirra og áhyggjum,” skrifar Ásmundur. Í frétt Mbl.is kemur hins vegar fram að lögreglan hafi ekki haft áhyggjur af málinu. Útlendingastofnun taldi þá ekki að maðurinn hafi ætlað sér að skaða aðra.
„Það er verulega óþægilegt fyrir nágranna hælisleitenda á Ásbrú, sem hafa mátt þola nafnlausar hringingar og hótanir á erlendu tungumáli, að sjá frétt um hælisleitenda á Ásbrú sem tók upp á því að safna geymasýru.” skrifar hann.
Segir hælisleitendur þykjast vera hinsegin
Ásmundur sakar hælisleitendur um að gefa upp villandi upplýsingar þegar þeir sækja um landvist. „Þeir hafa sagst vera samkynhneigðir og því verið í bráðri hættu í heimalandi sínu en eru síðar staðnir að því að áreita konur hér á Íslandi,” skrifa Ásmundur.
„Þá hafi þeir þegið félagslega aðstoð en standa sumir hverjir í milljónatuga peningasendingum frá Íslandi til annarra landa. Hvaða þvæla er það?” Ásmundur gagnrýnir þá sem hlustuðu ekki á viðvaranir hans fyrir nokkrum árum; „Nú hafa margir stigið fram og bent á hvað sé á seiði. Jafnvel þeir sem sóttu hvað harðast að mér þegar ég varaði við þessari þróun fyrir nokkrum árum sitja nú sömu megin við borðið.”
Hælisleitandinn var búsettur samkvæmt úrræði Útlendingastofnunnar á Ásbrú í Reykjanesbæ. Hann var staðinn að því að safna sýru úr rafgeymum bifreiða á brúsa í vor. Þá hafi öryggisvörður fundið sýruna í vörslu mannsins. „Við vissum að það væri búið að fjarlægja sýruna og við vissum af fyrirhugaðri brottvísun nokkrum dögum síðar,“ hafði Mbl.is eftir Bjarney S. Annelsdóttur yfirlögregluþjóni vegna málsins.
https://www.mannlif.is/4445