„Eiginfjárstaða heimilanna hefur gjörbreyst til hins betra” sagði Óli Björn Kárason, þingmaður Sjálfstæðisflokksins, í eldhúsdagsumræðum á Alþingi. „Síðustu ár hefur vöxtur kaupmáttar verið mestur á Íslandi af öllum Norðurlöndunum.”
„Það eru áskoranir að glíma við tímabundinn samdrátt en um leið verða til tækifæri.” Óli benti á að mikilvægt væri að krefja stofnanir um hagkvæman rekstur á tímum samdráttar. „Farið sé betur með sameiginlega fjármuni.” Slakann í hagkerfinu eigi ríkið að nota til að ráðast í arðbærar fjárfestingar.
Óli ræddi uppbyggingu á heilbrigðiskerfinu. „Réttur hins sjúkratryggða á að vera í forgrunni.” Uppbygging og skipulag eigi að taka mið að þörfum einstaklinga en ekki kerfisins.
Hann benti á að ýmislegt hafi verið áorkað á undanförnum árum og nefndi þar þróun launamála. „Á Íslandi eru greidd önnur hæstu meðallaun meðal ríkja OCD. Lágmarkslaun á Íslandi eru þau þriðju hæstu í löndum OCD.” Þá sagði hann jafnrétti kynjanna vera hvergi meiri en á Íslandi.