Myndband sem sýnir tvo íslenska karlmenn skera sporðinn af hákarli og sleppa honum svo lausum hefur farið sem eldur um sinu á Facebook í dag. Myndbandið hefur vakið mikla reiði og margt fólk hefur tilkynnt málið til MAST eftir að það birtist.
Það er hárgreiðslukonan og förðunarfræðingurinn Christel Ýr Johansen sem deilir upptöku sem hún tók af myndbandinu. Hún segir að hún hafi náð upptökunni sem sýnir umrætt myndband og nokkrar athugasemdir áður en lokað var fyrir athugasemdakerfið á myndbandinu.
„ÞVÍLÍKU SJÚKU AUMINGJAR! Gæinn er svo stoltur af sér að hann slökkti á kommenta kerfinu því enginn var víst sammála honum.. náði SR áður en hann lokaði á það.. deilið að vild,“ skrifar Christel við myndbandið.
Þess má geta að annar mannanna, Halldór Gústaf Guðmundsson, deildi myndbandinu af sér og félaga sínum misþyrma hákarlinum í gær en myndbandið er ekki sýnilegt á Facebook-vegg hans lengur.
Viðkvæmir eru varaðir við meðfylgjandi myndbandi.
https://www.facebook.com/christelyr/videos/10156051422365940/?__tn__=%2CdC-y.g-R&eid=ARAXcaBGXORnU9UgqYCQfwXx2J6dm4tvkNoX1dHUk6h-LjDCmC71KyafcCUXpkPiD8X1zVkVoNaRGBYD&hc_ref=ARRQ1MPHIijidPXJCwhO7RUjXBdcDVNmNdpWWZLx2siSUONosOMo3QLbQQ7NfYkKoDs&fref=nf