Forsætisráðuneytið telur ástæður tl að ítrekað að sáttanefnd vegna Guðmundar- og Geirfinsmálsins hefur ekki lokið störfum. Tilkynningin kemur í kjölfar frétta um að ólíklegt sé að nefndin nái árangri og sátt.
Fréttablaðið sagði frá því í morgun að sáttaumleitanir Guðmundar- og Gerfinnsmálinu stefna í strand. Fjallað var um málið hér á Mannlíf.is. Sáttanefndin hefur um 600 milljónir úr að spila til sáttargreiðsla til allra þeirra sem nýlega voru sýknaðir í málinu. Guðjón Skarphéðinsson hafnaði tilboði nefndarinnar og fer fram á umtalsvert hærri upphæð.
Guðjón hefur farið fram á rúman milljarð í miskabætur auk 400 milljóna vegna missi atvinnutekna. Guðjón var árið 1980 dæmdur til tíu ára fangelsisvistar vegna manndráps af gáleysi. Hann fékk uppreist æru árið 1995. Guðjón sat í fangelsi í fjögur og hálft ár.
„Í tilefni af umfjöllun í fjölmiðlum í dag telur forsætisráðuneytið rétt að fram komi að forsætisráðuneytið hefur ekki fengið skilagrein frá nefnd sem skipuð var til að leiða fyrir hönd stjórnvalda sáttaviðræður við fyrrum sakborninga í Guðmundar- og Geirfinnsmálinu sem sýknaðir voru með dómi Hæstaréttar þann 27. september síðastliðinn í endurupptökumáli og aðstandendur þeirra. Lítur ráðuneytið því hvorki svo á að sáttaviðræðum sé formlega lokið né hlutverki setts ríkislögmanns, sem falið var að ljúka málinu annað hvort á grundvelli breiðrar sáttar eða viðræðna við hvern og einn sem sýknaðir voru eða aðstandendur þeirra,“ segir í tilkynningu ráðuneytisins.