- Auglýsing -
Þetta salat er virkilega einfalt og fljótlegt og mjög gott. Alveg ekta með grillmatnum.
Bulgur-salat
fyrir 6-8
500 g bulgur
½ blómkálshaus
2 msk. smjör
10 stk. sólþurrkaðir tómatar
½ dl af olíunni í tómötunum (má líka nota ólífuolíu)
2 hnefafyllir af spínati
2 tsk. paprikuduft
sjávarsalt
Sjóðið bulgur í 1 lítra af vatni í 12 mín. Þegar það er klárt er það sigtað og kælt. Skerið blómkálið í þunnar sneiðar og steikið á pönnu upp úr smjöri.
Blandið tómötunum, olíunni, spínati, blómkálinu og paprikuduftinu saman við kalt bulgur-ið og saltið með sjávarsalti eftir smekk.
Umsjón / Theódór Gunnar Smith
Stílisti / Ólöf Jakobína Ernudóttir
Mynd / Ernir Eyjólfsson