- Auglýsing -
Ilmurinn af nýbökuðu brauði gefur góða tilfinningu, ekki síst heimabakað af alúð og umhyggju. Þetta brauð er matarmikið og spennandi og í því er fjölbreytt næring, alls konar mjöl, fræ, hnetur og ávextir. Það passar með öllu mögulegu, til með súpum og er frábært á ostabakkann.
Ávaxtabrauð
1 stk.
170 g hveiti
80 g haframjöl
60 g rúgmjöl
1 msk. lyftiduft
2 tsk. anísfræ (má sleppa eða nota kúmen í staðinn)
80 g þurrkuð trönuber
100 g apríkósur, skornar í bita
80 g pekanhnetur, brotnar gróft niður
120 g sólkjarnar
60 g hörfræ
8 dl súrmjólk eða ab-mjólk
¾ dl hunang eða síróp
½ dl olía
1 tsk. sjávarsalt
Hitið ofninn í 180°C.
Setjið allt sem fer í brauðið í hrærivélarskál og hrærið saman. Smyrjið jólakökuform að innan með smjöri eða olíu. Jafnið deiginu í formið og bakið í 1 klst. Brauðið geymist í nokkra daga vel innpakkað og það má frysta, geymist þannig í 6 mánuði.
Umsjón / Sigríður Björk Bragadóttir
Myndir / Karl Petersson
Stílisti / Ólöf Jakobína Ernudóttir