Einn allra ríkasti og þekktasti rithöfundur heims, Ameríkaninn Dan Brown, er staddur hér á landi. Samkvæmt heimildum Mannlífs kom hann í risastórri einkaþotu til Íslands ásamt fríðu föruneyti og verður hér í fríi í nokkra daga. Ekki er vitað nánar um dagskrá rithöfundarins fræga en til hans sást í höfuðborginni.
Brown er þekktastur fyrir útgáfu bókarinnar Da Vinci lykillinn árið 2003 sem selst hefur í ríflega 80 milljón eintaka um heim allan. Hún hefur verið þýdd á 44 tungumál. Eignir rithöfundarins eru metnar á tæpa 25 milljarða króna.
Það er ánægjulegt að nú þegar landamæri Íslands hafa opnað þá velur fjársterkur rithöfundinn að velja Ísland sem áfangastað sinn. Hann er ekki sá eini sem það kýs þessa dagana því líkt og Mannlíf greindi frá í vikunni var kvikmyndaleikarinn Orlando Bloom einnig staddur hér á landi. Hann fór um miðbæ Reykjavíkur í fylgd vina sinna og borðaði meðal annars í hádeginu á veitingastaðnum Reykjavík Meat.