Kristjón Kormákur hættir sem ritstjóri

Kristjón Kormákur Guðjónsson hefur látið af störfum sem ritstjóri vefs Fréttablaðsins. Kristjón tók við starfinu í febrúar eftir skipulagsbreytingar og ritstýrði bæði vef Fréttablaðsins og Hringbrautar, en hann hóf störf hjá Hringbraut 1. apríl í fyrra, eftir að hafa látið af störfum sem ritstjóri DV.

Þetta kemur fram í tölvupósti frá Jóhönnu Helgu Viðarsdóttur, forstjóra útgáfufélagsins Torfs, til starfsmanna.

Ekki verður ráðið í starf Kristjóns í ljósi þess að ritstjórnir Fréttablaðsins og vefsins frettabladid.is hafa verið sameinaðar.