- Auglýsing -
Nýtt ókeypis smáforrit um útilistaverk frá Listasafni Reykjavíkur.
Listasafn Reykjavíkur hefur sett á laggirnar smáforrit þar sem hægt er á einfaldan og skemmtilegan hátt að fræðast um öll útilistaverk sem Listasafn Reykjavíkur hefur umsjón með í borgarlandinu ásamt fleiri verkum.
Forritinu má hlaða niður endurgjaldslaust í snjalltæki, bæði fyrir iOS og Android stýrikerfi. Forritið er bæði á íslensku – Útilistaverk í Reykjavík og ensku – Reykjavík Art Walk – allt eftir stillingu snjalltækisins.
Í forritinu er hægt að skoða myndir, lesa texta og hlusta á hljóðleiðsagnir ásamt því að fara í skemmtilega leiki. Forritið má nálgast það bæði í App Store og í Google Play. Það hentar bæði fyrir börn og fullorðna.