- Auglýsing -
Basalt arkitektar hljóta virt verðlaun.
Basalt arkitektar ásamt Design Group Italia hlutu ein virtustu og eftirsóttustu hönnunarverðlaun heims á dögunum, Red Dot, í flokknum Best of the Best fyrir framúrskarandi hönnun sína á The Retreat hótelinu við Bláa lónið.
Fyrr í dag veittu þau verðlaununum viðtöku við hátíðlega athöfn á Red Dot safninu í Essens í Þýskalandi þar sem verðlaunahafar voru heiðraðir. Í áliti dómnefndar segir meðal annars að hönnunin sé í senn fáguð og hógvær í landslaginu ásamt því að gera mikilfenglegri náttúrunni hátt undir höfði. Jafnframt hafi hönnuðunum tekist að skapa gott andrúmsloft þar sem litasamsetning og lýsing geri upplifunina algjörlega einstaka.
Hús og híbýli óskar Basalti innilega til hamingju!