Laust fyrir miðnætti í gær fékk lögreglan á höfuðborgarsvæðinu tilkynningu um innbrot í hús í Árbæ. Stuttu seinna barst tilkynning um innbrot í annað hús og var ljóst að sami maður var á ferð miðað við
lýsingar tilkynnenda. Rúmlegar eitt í nótt sá lögreglan hinn grunaða á bifreið og sinnti hann ekki stöðvunarmerkjum lögreglu. Eftirför var um hverfið og síðan hljóp maðurinn inn í Elliðaárdalinn. Eftir nokkra leit var maðurinn handtekinn og vistaður í fangageymslu. Kom í ljós að bifreiðinni var stolið frá seinni innbrotsstaðnum.
Kemur þetta fram í dagbók lögreglunnar.
Klukkan hálftíu í gærkvöldi fékk lögreglan í Kópavogi og Breiðholti tilkynningu um hópasöfnun ungmenna. Einhverjir voru sagðir vopnaðir og undir áhrifum fíkniefna. Sumir fóru strax þegar lögregla kom. Lögregla fylgdist með í nokkra stund, en engin læti urðu.
Einn var handtekinn fyrir heimilisofbeldi og vistaður í fangageymslu.
Laust fyrir klukkan átta í gærkvöldi var tilkynnt um reiðhjólaslys í Garðabæ. Reiðhjólamaður féll af hjóli og var fluttur með sjúkrabíl á slysadeild. Minniháttar eymsli.
Nokkrar tilkynningar bárust um ökumenn sem líklega voru undir áhrifum áfengis/fíkniefna. Einnig voru nokkrar tilkynningar um hávaða og ónæði.