- Auglýsing -
Erilsamur sólahringur er að baki hjá lögreglunni á höfuðborgarsvæðinu.
Lögregla handtók mann í miðborginni eftir misheppnaða ránstilraun. Hafði maðurinn ógnað gangandi vegfaranda og reynt að ná af honum peningum. Var hann handtekinn og færður í fangaklefa.
Nokkuð var um slagsmál í miðborginni. Voru fjórir menn handteknir og færðir á lögreglustöð vegna málsins. Þrír fengu að fara eftir skýrslutöku en sá fjórði var vistaður í fangaklefa.
Þá stöðvaði lögregla framleiðslu fíkniefna í Árbænum. Voru tveir menn handteknir vegna málsins og sleppt að lokinni skýrslutöku.
Alls komu rúmlega áttatíu mál inn á borð lögreglunnar á höfuðborgarsvæðinu frá klukkan 17 til 05 og voru í morgun sex vistaðir í fangaklefa, að því er fram kemur í dagbók lögreglu.