Belgískir fjölmiðlar fjalla í dag um hvarf Konráðs Hrafnkelssonar, en Konráð býr í Brussel í Belgíu ásamt unnustu sinni.
„Það er ekki líkt Konráð að láta ekki vita af sér í svona langan tíma. Við erum mjög áhyggjufull,“ segir frændi hans Peter-Paul Van Der Werff. „Hann er íslendingur, en hefur búið og starfað í Brussel í mörg ár. Hann er í flugnámi og vinnur einnig fyrir Deliveroo [matarsendingafyrirtæki].“
Sjá einnig: Íslenskur maður horfinn í Brussel
Ekkert hefur spurst til Konráðs síðan á fimmtudagsmorgun, þegar síðast sást til hans fyrir utan McDonalds-veitingastað í miðbæ Brussel um níuleytið. Unnusta hans, Kristjana Diljá Þórarinsdóttir, auglýsti hvarf hans í færslu á Facebook á laugardagsmorgun.
Í fréttinni segir einnig að Kristjana unnusta Konráð hafi tilkynnt hvarf hans til lögreglu. Á meðan beðið er eftir að lögregla fari yfir myndefni úr eftirlitsmyndavélum á svæðinu þaðan sem hann hvarf skipulögðu Kristjana og Peter-Paul leit.
Það er möguleiki á að Konráð hafi farið í Abbey of Rouge-Cloître garðinn í Auderghem. Hann og Kristjana ganga oft þar um. Ef fólk á því svæði væri til í að svipast um eftir honum væri það frábært. Sama á við um önnur græn svæði í Brussel.”
Lögreglan á Íslandi lýsir eftir Konráði
Aðstandendur Konráðs höfðu samband við borgaraþjónustu utanríkisráðuneytisins, sem mun hún aðstoða þá varðandi samskipti við yfirvöld í Belgíu, þar á meðal lögreglu.
Lögreglan á Norðurlandi eystra lýsti eftir Konráði í tilkynningu seinni part laugardags:
Lögreglustjórinn á Norðurlandi eystra lýsir eftir Konráði Hrafnkelssyni. Konráð yfirgaf heimili sitt í Belgíu að morgni 30.07.sl. um kl: 08:10. Um kl: 09:00 þann sama morgun sást til Konráðs á McDonalds í miðbæ Brussel. Þegar Konráð yfirgaf heimili sitt var hann klæddur í bláar gallabuxur, gráan bol og hvíta Nike íþróttaskó, dökka derhúfu, svört Marshall heyrnatól og með dökkan bakpoka. Konráð var á bláu reiðhjóli. Lögreglustjórinn á Norðurlandi eystra óskar eftir upplýsingum frá öllum þeim sem mögulega vita eitthvað um ferðir Konráðs eða hvar hann er að finna.