Reykjavíkurmaraþoni Íslandsbanka hefur verið aflýst vegna COVID-19. Áður stóð til að halda maraþonið með beyttu sniði vegna kórónuveirufaraldursins en í nýrri tilkynningu kemur fram að maraþoninu hefur verið aflýst.
„Því miður sjáum við okkur ekki fært að halda viðburðinn, sem fara átti fram 22. ágúst n.k. og uppfylla um leið skilyrði Almannavarna, sem tóku gildi 31. júlí síðastliðinn,“ segir í tilkynningunni.
Stór þáttur í maraþoninu er Hlaupastyrkur þar sem þátttakendur safna fyrir ýmis góðgerðarfélög. Í tilkynningunni segir að nú það sé mikilvægt að halda söfnuninni áfram þrátt fyrir að ekkert verði af maraþoninu. „Það er afar mikilvægt að leitað verði leiða til að halda söfnuninni áfram og minnka skaðann fyrir góðgerðafélögin og verða kynntar hugmyndir þar um á næstu dögum,“ segir í tilkynningunni. Þá er bent á að í fyrra var met slegið í áheitasöfnin þar sem 167.483.404 krónur söfnuðust og runnu til 181 góðgerðarfélaga.