- Auglýsing -
Kökur eru, eins og allir vita, samofnar jólunum og þótt þær séu oft einstaklega fallegar þá eru gömul kökuform ekki síðri. Þess vegna finnst okkur alger óþarfi að loka þau alltaf inn í skáp og leggjum til að þau verði nýtt í skreytingar um jólin.
Sérlega fallegt getur verið að raða t.d. gömlum kökuformum með kertum í innan um greni á jólaborðinu, einnig er fallegt að setja rauðan borða utan um hringlaga flúrað kökuform og stinga einni eða tveimur greinum undir borðann og nota sem skraut á hurðina, svo og er tilvalið að setja kerti í kökuform út á tröppur þegar von er á gestum.
Að auki má nota piparkökuform til að skreyta jólapakkana og úr þeim má einnig gera óróa. Hér er bara lítið brot af hugmyndum og leiðum til að nýta formin í annað en bakstur.