- Auglýsing -
Ökumaður og farþegi reyndu að hlaupa undan lögreglunni í gærkvöldi. Þegar lögreglan reyndi að stöðva ökutækið í Árbænum reyndu þeir fyrst að stinga af en sú eftirför var stutt. Ökumaðurinn var á endanum handtekinn grunaður um akstur undir áhrifum fíkniefna og ítrekaðan akstur án ökuréttinda.
Nokkuð var um akstur undir áhrifum í gær en fjórir ökumenn voru stöðvaðir í gær vegna ölvunaraksturs eða akstur undir áhrifum fíkniefna. Þá voru tveir ökumenn teknir án ökuréttinda.
Einnig var tilkynnt um innbrot í húsnæði í miðborginni á ellefta tímanum í gærkvöld. Tveir menn voru handteknir á vettvangi, grunaðir um húsbrot, og voru þeir vistaðir í fangageymslu.